Amay na nagtaong abiso an pamayuhan kan Parañaque Integrated Terminal Exchange (PITX) sa mga biyahero na mapuli sa saindang probinsiya para sa obserbasyon kan Undas 2024.
Sigun sa PITX na piglalaoman ninda an paggabat kan trapiko sa saindang terminal huli ta pighihiling na posibleng magpakol sa 2.4 milyon na pasahero an mapasiring sa nasambitan ng terminal puon Oktubre 21 hasta Nobyembre 5, 2024.
An piglalaoman man na dagsa kan mga pasahero, an sa maabot na Oktubre 30 hasta 31.
Huli kaini, pig-abisuhan na sana kan opisyal an mga pasahero na amayan an pagpasiring sa mga terminal tanganing malikayan an anuman na aberya.
Igwa na man sooot sindang koordinasyon sa manlaen-laen na ahensiya kan gobierno tanganing magin magayon an pagbiyahe kan mga pasahero.
