NAGA CITY – Pigkokonsiderar na magiging state an Plaza Quince Martirez para sa mga aktibidades na gigibuhon sa Peñafrancia Festival ngunyan na taong 2025.
Sa nagin patara-tara ni Naga City Manoy Leni Robredo, sinaysay kaini na sa nangyaring pagmeeting kan Peñafrancia Committee asin sub-committees, sainda nang pig-tukar an mga posibleng gagamiton na venue para sa isasagibong mga Parada sa siyudad katakod kan kapistahan ni Ina sa Setyembre ngunyan na taon, nin huli ta dae magagamit an Plaza Quezon.
Saro soboot sa mga pighurot kan kumunidad na dae pagbabago kan ruta orog na ta iyo na ini an nakatoodan. Napag-uyonan sa nasambitan nang pag-urulay na gigibuhon na stage an Plaza Quince Martirez sa atubangan kan sarong Hotel na harani sa nasambitan ng plaza.
An nasambitan na kayang area an mas mahewas asin an mas bwelo an sikoan.
Kun saen, an mga maplanking an dae tulos masiko sa tuo makalihis mag-agi sa plaza asin maderitso ini pasiring sa may parte kan GSIS, asin pag-abot digdi saka ini masiko sa tuo. Kaipohan man kaya soboot na makabwelo an pagluwas kan mga tawo tanganing dae magsurulbodan.
