Nagpoon na sa primerong aldaw kan saiyang pagtrabaho komo tagapagtram o spokesperson kan Camarines Sur Police Provincial Office (CSPPO) si PMaj. Monica San Juan kasuudma, Agosto 24, 2026.
Sa intrevista kan Bombo Radyo Naga ki PMaj. Monica San Juan, sinabi kaini na inatasan siya kan Provincial Director kan CSPPO na si PCol. Tyrone Dotimas bilang tagapagtaram kan bilog na Police Provincial Office kan Camarines Sur.
Segun sa opisyal, sa paagi kan proper guidance kan Provincial Director, itatao kaini an saiyang oras tanganing maitao sa mga taga-media an mga kinakaipuhan na impormasyon asin maihapag ini nin tama sa publiko.
Mientrastanto, piglalaoman ni San Juan an pag-intindi asin pakikipagtarabangan kan mga taga-media, lalo sa posibleng malimitaran an mga impormasyon na maipapaluwas sa publiko.
An saro sa mga rason kaini iyo an pagseguro na mayong mabalgar na probisyon kan ley, orog na sa mga bagay na may koneksyon sa Data Privacy, sa pagpaabot nin impormasyon sa publiko.
