Nakapreparar na an Philippine National Police (PNP) para sa ikukundusir na Traslacion ngunyan, na piglalaoman na aatendiran kan milyong mga deboto kan Poong Hesus Nazareno.
Sigun ki Acting PNP Chief PLtGen. Jose Melencio Nartatez Jr., mayo nang kulang asin bilog na an latag kan seguridad para sa pagselebrar kun saen sinabi man kan hepe na preparado man sindang magpautob nin dawa anumang adjustment kun nahihiling ining kaipuhan.
Enot na digde, pigpakuriyat an mga pwersa kan pulisya sa Quirino Grandstand huli sa dagsa kan mga deboto kasubanggi huring aldaw kan pagpupugay o pahadok sa Poon.
Mantang nakapwesto man an nagkapirang pang pwersa sa parte kan Quiapo Church para man sa misa mayor ngunyan na mag-oomagahon antes an mismong prusisyon.
Apwera digde nakakuriyat man an mga pulis na naka-sibilyan asin magin an intelligence units na tuyong nakabantay para pugulan an mga insidenteng maikukurit siring kan paghahabon asin iba pang mga klase kan pananamantala.
Mientrastanto, nagpakuriyat na man nin mga police assistance desk an pulisya tanganing mag-assist sa mga debotong mangangaipuhan kaini siring kan senior citizens, persons with disability asin iba pang saklaw kan priority citizens.
