NAGA CITY- Pig-activate kan PNP-Bicol an Regional Media Action Center (RMAC) tanganing makapagtao nin tamang impormasyon para sa nararaning National asin Local elections sa May 12.
Sigun ki Lt. Col. Malu Calubaquib, tagapagtaram kan hepatura, an nasambitan ng inisyatiba an nakalinyada sa deriktiba ni Presidente Ferdinand R. Marcos Jr. siertuhon an matuninong asin igwang kridibilidad na eleksyon.
Katakod digde, an nasambitan ng Regional Media Action Center an ma-operate hasta May 18.Dugang pa sa opisyal, an pag-establisar kan RMAC nagpapahiling sa partnership sa pag-ultanan kan mga kapulisan asin media practitioners sa pagtatao nin tama, komprehensibo, napapanahon na eleksyon.
Ini man an maserbe komo communication hub para sa mas marhay na koordinasyon kan impormasyon.
An misyon kaini an magtao nin updates sa paagi kan official press releases, statements, asin na papangenotan ka regional director, public information officer, asin iba pang senior officers.
An mga Regular press conferences an ikukundusir tanganing masimbagan an election-related developments antes, sa kasagsagan asin makalihis an elections.
An RMAC an ma-submit man nin kritikal na incident reports na igwang kinaaraman sa media personnel sa Presidential Task Force on Media Security (PTFoMS) asi matao nin ara-aldaw na updates sa National Media Action Center (NMAC).
Pigsaysay man kan opisyal na gabos na public information offices sa provincial offices asin Naga City Police Office an pig-activate an saindang respetadong mga media action centers para sa napapanahon na pagheheras kan impormasyon.
Sa ngunyan, padagos an promesa kan PNP-Bicol na padagos na mabantay para sa seguridad kan publiko sa aldaw kan eleksyon.
