NAGA CITY- Mas orog na pinakusog pa kan Police Regional Office 5 an saindang kapreparaduhan sa papaabuton na mga kalamidad kasabay kan piglalaoman na paglaog kan tag-uran sa nasyon.
An nasambitan kaya na pag-uran an posibleng magdara nin makukusog na bagyo na dakulang huma sa komunidad.
Katakod kaini, pigkundusir an annual inspection kan disaster response equipment sa Camp BGen Simeon A. Ola.
An nasambitan ng aktibidad an komo parte kan pinahewas na inisyatiba kan Philippine National Police tanganing masierto an pagsimbag sa mga emerhensiya na kawsa kan bagayo, baha asin iba pang weather-related events.
Ipinahiling sa nasambitan ng inspeksyon an search and rescue (SAR) resources, kabali na an water desalination machines, trucks, ambulances, rubber boats, asin iba pang life-saving equipment na kaipuhang marhay sa emergency operations.
Pinagenotan man ni Police Brig. Gen. Andre Perez Dizon, Bicol an inspeksyon asin pigtawan duon an kapreparaduhan kan saindang hanay sa papaabuto na tag-uran.
Sa ngunyan, pigsierto kan opisyal na matinir sindang sa pagproteher kan kasalbaduhan kan publiko sa panahon kan kalamidad.
