Padagos na nagkakasa nin imbestigasyo asin beripikasyon an Philippine National Police (PNP) dapit sa posibilidad na bako sana sa Taal Lake posibleng itinapok asin inilubong an mga lawas kan labi sa 100 mga nawawarang sabungero.
Sigun ki PNP Chief PGen. Nicolas Torre III, nagsasairarom pa sa beripikasyon an impormasyon na may nagkapira soboot nagsasabi na sinulo an pirang sabungero mantang an iba man an pinagtutubudang inilubong sa daga.
Sigun pa sa hepe posibleng bako sana sa Taal Lake an ginamit na disposal site para sa mga bangkay kan mga sabungero asin may mga partikular na sindang lugar na sinisiyasat na posibleng kinamumugtakan kan iba pang mga sabungero.
Nagsayuma man an hepe na banggitin an mga lugar na saindang ginigubuhan nin beripikasyon tangani masiguro na dae mabuburilyaso asin mahahanapan labot an saindang mga ginigibong imbestigasyon asin paghahanap kan mga bastante na ebidensya na susuporta pa asin magpapatotoo sa mga pahayag ni alyas ‘Totoy’.
Dakula man kaya an posibilidad na igwang mga personalidad na maaapektaran sa saindang ginugibong imbestigasyon na posibleng magin kawsa tangani mapugulan an sainang pagguno nin impormasyon asin imbestigasyon.
Bagaman aminado an hepe na magigin dipisil an paghahanap sa mga lawas kan mga sabungero, siniguro pa man ni Torre na ginigibo na kan Pambansang Pulisya an saindang makakaya tangani masigurong mahuhulog sa kuko kan ley asin mapapanimbag an mga nasa likod kan nasambitan ng krimen.
