INILUWAS na an cease and desist order manungod sa pagkukudal kan Wanderlust sa Siruma, Camarines Sur kasuudma (Pebrero 26, 2026) nin hapon.
Sa entrevista kan Bombo Radyo Naga ki Randall Dagooc, residente kan San Ramon, Siruma, Camarines Sur, sinaysay kaini na huli sa nasambitan ng cease and desist order, mauuntok na an mga pagkukudal sa nasambitan ng lugar asin nilalaoman kan mga residente na igagalang asin susunudon ini kan Wanderlust.
Sigun kay Dagooc, nilalaoman na talaga ninda na maiseserbe ini kan otoridad tanganing magkaigwa nin katuninungan ang mga namamanwaan sa mga barangay na binabakudan siring kan San Ramon, Salvacion, asin iba pa.
Dugang pa ni Dagooc, an nasambitan ng order an temporary pa man sana, asin pwede pang mabawi.
Nin huli ta pwedeng maggibo pa nin paagi an Wanderlust siring na sana kan pag-apply ng fencing permit o magbayad nin multa.
Sigun sa opisyal, pwede soboot magulo an barangay sa siring kaining sitwasyon.
Huli sa claim kan Wanderlust na igwa sinda nin titulo siring man an mga residente igwa nin ipinaglalaban na titulo.
Kaya dae dapat soboot na magheras nin barangay clearance an barangay sa mga tawo kan Wanderlust. Huli digdi, padagos nang naghihiro an legal team kan mga residente na nagatatabang sa sainda nin huli ta nararani an nakatalaan na hearing kaini sa congress na mapuon sa ikaduwang semana kan bulan nin Marso.
Siring man, inaasikaso na kan saindang legal team an pagpa-file nin kaso sa ombudsman laban sa mga may kinaaraman na opisyal kan gobyerno digdi.
Sa ibong na lado, nagin matrayumpo asin matuninong an saindang isinagibong Peaceful Rally kan nakalihis na Pebrero 18, 2026.
Nagkaigwa soboot nin makusog na impact an saindang isinagibong rally asin nahiling kan gabos na tawo na nagkakasararo an bilog na taga-San Ramon sa pakikipaglaban kan saindang teritoryo. Kung sakali man soboot na dae magsunod an Wanderlust sa iniluwas na cease and desist, preparado man soboot sinda asin gigibuhon ninda kun ano an dapat na gibuhon.
Sa ngunyan, pig-enkaminar na sana ni Dagooc an mga taga-Siruma na magkasarararo sa laban na ini para sa saindang derechos.
