NAGA CITY- Pigkokonsederar ni Philippine National Police chief Gen. Nicolas Torre III na ribayan an tolong opisyal sa Police Regional Office Bicol huli sa dae paggampan sa saindang responsabilidad.
Marurumduman, nasa Bicol si Torre kan nakalihis na semana para sa inagurasyon kan bagong Police Station Building asin Multi-Purpose Building sa Sorsogon.
Katakod digde, pigsaysay kan opisyal na padagos an saindang pag-assess kun mabukas nin bagong posisyon sa Rehiyon tanganing ribayan an tolong opisyal.
Nakadepende soboot ini sa saindang performances nin huli ta nagpatanid na sinda na kaipuhan mahilingan nin marhay na pagbabago sa saindang palakaw.
Mahihiling kaya sa saindang performance na igwang mga provincial director an dae nasu-supervise an saindang mga personahe.
Marurumduman, kan nakalihis na bulan kan Hunyo, hinali ni Torre an walong police chiefs sa Metro Manila asin duwang provincial directors makalihis na mabigo na maimplementar an five-minute response time na target sa irarom kan pambansang pulisya.
Pigtawan duon pa kan opisyal na an mga nagkapirang commanders nalingawan na kun pano an paggibo asin pagtatao nin kasuguan.
Katwiran kan PNP Chief na kaipuhan magin epektibo sinda asin igwang kakayanan sa pagmanehar sa saindang mga personahe.
