Pigrekomenda kan Philippine National Police-Internal Affairs Service an dismissal kan sarong Heneral sa urulay kan command responsibility asin kapabayaan.
Resulta ini kan pigsagibong imbestigasyon kan IAS sa sarong kontrobersyal na police operation kan nakalihis man na September 2023 sa sarong condominium sa Parañaque City.
Marurumduman na nagsagino kan nakalihis na taon nin search warrant an mga tauhan kan Southern Police District (SPD) dapit sa ilegal possession of firearms. Segun sa SPD, 10 Chinese nationals asin sarong pinoy an pig aresto, na nagresulta man sa pagkakaligtas kan nagkapirang chinese asin pagkakakumpiska kan P4.6 million cash.
Siringman, pigsaysay NCRPO na igwa nin irregularities sa pagsisirbi kan search warrants makalihis magreklamo an mga naarestong Chinese na ilegal na pigkumpiska ka mga pulis an nagkapira man ninda na personal na gamit na dae man na sakop kan warrant.
Sa mga nagsunod na imbestigasyon, napag-aramang pigkumpiska kam mga sangkot na opisyal an nasa P27 million cash kasabay kan nagkapira man na personal na gamit asin tuyong itinago gikan sa opisyal na imbentaryo kan mga narekober na ebidensya.
Apwera pa digde, nadiskubre man na nagtanom an mga pulis nin ebidensyang armas sa lugar asin pig probarab man na raoton an mga CCTV recordings asin dineactivate an saindang body-worn cameras sa kasagsagan kan operasyon.
Sampulong mga pulis na kasangkot sa insidente an na-dismiss sa serbisyo makalihis mapatotoohang nagkasala.
Apwera sa 10 pulis, pitong iba pa an binaba an ranggo mantang 17 an pigsuspinder
