Nagkaigwa nin mga balasahan sa nagkapirang halangkaw na opisyal kan Philippine National Police (PNP).
Epektibo nguyan na aldaw, January 10, 2025 pigbugtak na komo bagong Director kan Police Regional Office 3 si PNP PIO Chief PBGen. Jean Fajardo asin magigin bagong head naman kan PRO7 si PRO 3 Director PBGen. Red Maranan.
Mantang magigin Deputy Director for Comptrollership naman ngunyan si PRO9 Director PBGen. Bowenn Joey Masauding. Riribayan kan hepe kan PNP-AKG na si PBGen. Roel Rodolfo komo Direktor kan PRO9.
An dating head man kan PNP AVSEGROUP na si PCol. Melvin Napiloy an magigin hepe na ngunyan kan PRO-CALABARZON.
Mientrastanto, an magigin bagong hepe man kan PNP AKG iyo an lider kan PRO-CAR na si PCol. Elmer Ragay asin ibabalyo man sa Office of the Chief PNP si PCol. Randulf Tuaño na gikan sa PNP Finance.
