Nagpatanid an Philippine National Police sa mga nagsasagibo nin video tutorials online sa paggibo nin boga ngunyan na papabuton na bagong taon.
Sgun ki Philippine National Police, Public Information Office Chief asin spokesperson Brigadier General Jean Fajardo, orog pa na papahiguton kan pambansang pulisya an cyber patrolling kaini tanganing matunton an mga content creators na nagtutukdo sa pagibo nin boga.
Paliwanag kaini, haloy na ining pinagbabawal asin kabali an boga sa listahan nin mga prohibited firecrackers na saindang pigkukumpiskar.
Kun matunton man kan kapulisan an mga nag gigibo asin nagpapakuriyat nin mga online video tutorials kan boga, maatubang sinda sa magagabat na kasong pwedeng ipataw sa sainda.
Pigsaysay man kan nasambitan ng tagapgtaram na kadakol mga nasasabugan sa lawgon asin naaksidenteng mga kaakian huli sa sa siring na klaseng paputok.
Kaya man nagpagirumdom ini sa publiko na ingatan kan mga magurang ang saindang mga aki asin dae tugutan na mag gibo o mag gamit nin boga tangani malikayan an peligrong dara kaini.
Katakod pa kaini, nabanggit man ni Philippine National Police spokesperson Brigadier General Jean Fajardo an mapadapit sa mga nakumpiskar na nindang paputok.
Pigheras kaini na an mga kumpiskadong peligrusong paputok an saindang rarauton asin susuluon antes pa mag abot an enot na aldaw nin bagong taon.
