Nagpahayag kan saindang kapreparaduhan an Philippine National Police (PNP) dapit sa posibleng magigin epekto kan Bagyong Opong sa nasyon.
Sigun ki PNP Acting Chief PLtGen. Jose Melencio Nartatez Jr., sinugo asin inalerto na kaini an gabos kan police units kan saindang kabuhan partikularmente na sa mga parte kan Southern Luzon asin Visayas na posibleng makaeksperyensiya na panahon sa mga masunod na aldaw.
Sa saiyang nagin direktiba sa mga commander kan Luzon asin Visayas, mahigot na ipapautob an pakikipag-koordinar kan pulisya sa mga lokal na gobyerno enkaso man na magpautob kan pre-emptive evacuation asin iba pang operasyon.
Mientrastanto, sinugo man kaini an mga regional directors sa mga nadanyaran kan mga nakalihis na Bagyong Nando asin Mirasol na magtao nin assistance para sa mga ikakasar post-disaster assessment asin magin sa mga search and rescue operations sa mga nawawarang mga indibidwal.
