Pigsierto kan Philippine National Police an mahigot na lakdang kontra sa pag-usbong kan mga operasyon kan ilegal na oline sabong o e-sabong sa nasyon.
Sigun ki PNP Chief General Jose Melencio Nartatez Jr., sinugo na kaini an police commanders sa mga siyudad asin munisipalidad na magtao nin assistance sa Anti-Cybercrime Group sa pagmo-monitor asin pagsasagibo kan intelligence-gathering sa saindang mga nasasakupan.
Napag-araman na banned an e-sabong sa nasyon alagad padagos an pagmomonitor kan pulisya sa mga guerrilla operations online kun saen pira sa mga online sites an nahali na man.
Apwera sa pagbabasura kan mga sites, nakapokus man an pulisya sa pag-aram sa pagkakabistuham kan mga financiers asin operators kan mga nasambitan ng online illegal gambling platforms.
Katakod kaini, pig-enkaminar ni Nartatez an publiko partikularmente na an mga netizen na makisumaro sa nasambitan ng kampanya sa paagi kan pagtatao nin impormasyon sa nasambitan ng ulayan pari na man an pagtatao nin patanid sa mga personahes kaini na dae na mag-imbwelto sa siring na klase kan ilegal na aktibidad.
