Pigsierto kan Philippine National Police (PNP) sa publiko an 3 hasta 5 minuto sa pag-responde sa mga pigrereport na emergency cases sa paagi kan 911 huli sa saindang upgraded response system.
Sa sarong statement, sinaysay ni PNP Communication and Electronics Services director Police Brigadier General Warren Gaspar Tolito na naggagamit ini nin mas pinamarhay na sistema kan Next Generation 911 technology na parehas sa mga sistemeng piggagamit kan Amerika asin Europa.
Sa irarom kan sisteme, maaraman kan emergency responders an eksaktong lokasyon kan caller asin tulos na madeploy nin first responders.
Pig-abisuhan man kan Police official an publiko na kun maapod sa 911 magtinir na kalmado asin itao an importanteng detalye manungod sa emergency situation siring kan pangaran asin lokasyon.
Kun nagrereport man kan presenteng nangyayaring krimen, mag-obserbar asin mangalap nin kadakol na detalyes siring kan numero kan mga sangkot na suspek, an saindang sulot na bado, kasarian, haircut o laba kan buhok.
Kun sangkot an lunadan, dakulang tabang soboot kun maitatao an kulay o numero kan plaka kun ini an visible o nahihiling.
An nasambitan ng inisyatibo an parte kan Revitalized Emergency 911 Project kan Department of the Interior and Local Government (DILG) tanganing pakusohon pa an abilidad kan pambansang pulisya na epektibong masimbagan an mga emergency sa urban asin rural areas.
