Kumpiyansa an Philippine Olympic Committee (POC) na magpapadagos an paghakot nin medalya kan mga atleta kan nasyon na nagsasabak ngunyan sa Southeast Asian Games (SEA) Games sa Bangkok, Thailand.
Sa enot na aldaw pa sana kan saindang pagsabak, nakasungkit na nin duwang gintong medalya gikan sa swimming asin taekwondo.
Nagbandera sinda Kayla Sanchez, Xiandi Chua, Chloe Isleta, asin Heather Santos sa women’s 4×100 meters freestyle relay sa laog nin tolong minuto asin 44.26 segundo.
Mantang enot naman na naipuli ni Justin Kobe Macario kan Taekwondo an sarong gintong medalya kan mangibabaw sa men’s poomsae individual freestyle.
Naputol kaini an pamamayagpag kan Singapore sa nasambitan ng event na kapot ninda sa laog nin haros limang taon.
Marurumduman, pigsaysay kan Philippine Olympic Committee na target nindang maabot an maski ikaapat na puwesto asin malampasan an performance kan 2023 SEA Games.
