Pinangenotan ni Pope Leo XIV an selebrasyon kan Easter Vigil sa laog kan St. Peter’s Basilica bilang parte kan pagromdom kan pagkabuhay-liwat ni Jesukristo.
Sa saiyang homiliya, idinoon kan Santo Papa na an Pasko nin Pagkabuhay “naghahale nin kaanggotan, nagpapaoswag nin pakikipag-ulian, asin nagpapabagsak sa mga makapangyarihan.”
Susog ki Papa Leo, an kapangyarihan kan pagkamoot nin Dios mas makusog kisa sa arin man na pwersa nin karatan.
Sinabi kan Santo Papa na pwedeng gadanon kan katawohan an hawak, alagad an buhay na gikan sa Dios nin pagkamoot daing sagkod, buhay na minalampas sa kagadanan asin dai pwedeng ikulong sa arin man na lolobngan.
Pigduon man kan Santo Papa na an mensahe kan Semana Santa sarong pagirumdom kan kapangganahan kan karahayan laban sa karatan asin kan paglaom laban sa kawaran nin paglaom, na dapat isabuhay kan lambang paratubod sa saindang pang-aroaldaw na pagkabuhay.
