Pig-anunsyar kan San Antonio Spurs an pagbaba sa puwesto kan saindang beteranong coach na si Gregg Popovich.
Sigun sa koponan na an 76-anyos na coach an magiging president of basketball operations kan koponan.
Katakod kaini, pig-anunsyar kan Spurs an bagong coach ninda sa katauhan ni Mitch Johnson.
Sinaysay ni Poppovich na dawa labi an pagmamahal kaini sa kawat, nagdesisyon ini na magbaba sa puwesto.
Kan Nobyembre kan nakalihis na taon kaya, nakaeksperyensiya ini nin mild stroke asin dae na nagbwelta sa mga kawat kan Spurs.
Pinasalamatan kaini an mga parakawat, opisyal asin mga fans kan Spurs huli sa mayong untok na suporta.
Si Poppovich an three-time NBA coach of the year na pinangenotan kan Spurs nin limang championships asin ini man an naging coach kan USA Basketball tanganing makua an siring na medalya sa 2020 Tokyo Olympics.
Pigtanghal ini sa Basketball Hall of Fame komo coach kan 2023. Taong 1988 kan maging enot na assistant coach kan Spurs si Poppovich sa laog nin apat na season asin naglipat komo assistant coach kan Golden State Warriors nin duwang season.
Kan 1994 kan magbweltada si Poppovich sa Spurs komo general manager asin vice president of basketball operations.
Pag-abot kan 1996-97, pigribayan kaini si Bob Hill tanganing magin head coach kun saen pigkokonsiderar kaidto na nagin pinakamatrayumpong koponan an Spurs sa NBA.
