Sarong dakulang pidaso nin yelo hale sa sarong glacier na nahulog nin rinibong metros sa sarong salog posibleng kawsa nin grabeng kalamidad sa Nepal asin Tibet na guminadan nin 180 katawo.
Uya an mga enot na paliwanag kan mga eksperto manungod sa nangyari:
Minalataw na an pagbagsak nin glacier sa kabukidan nin Nepal, harani sa Tibet, an nagin dahelan kan kalamidad.
Segun ki Simon Cox, Principal scientist sa GNS Science sa New Zealand, an sarong dakulang kabtang kan glacier buminagsak hale sa langkaw na mga 5,200 metros o 17,000 feet pasiring sa sarong kababan.
An pagbagsak nin yelo nagin marikas, na may dara nin mga ati. Mantang ini nagbaba sa kababan,may dara ini nin mga gapo, daga, laboy, kahoy asin iba pang bagay kaining aagihan, na nagpapadakula asin nagpapakusog kan dalagan.
An makusog na sulog nin tubig asin mga ati enot na nagtama sa sarong poste sa linderos. An makatatakot na mga kuha kan CCTV nagpapahiling kun pano an lugar marikas na nalamos nin laboy asin mga ati mantang an mga tawo nagdadalagan para sa saindang buhay.
Dangan an makosog na oran nagpadagos sagkod sa Nepal, na binabaha an mga baryo asin ginaba an mga tulay asin edipisyo.
An pagbagsak kan glacier dakulaon kaya ini nairehistro bilang sarong pangyayari nin linog, na sa primero napagkamalang sarong linog.
Alagad, pagkatapos nin pag-analisar, an US Geological Survey (USGS) nagsabi na an seismikong pangyayari kawsa kan pagbagsak kan glacier asin pagbulos nin mga ati, asin na mayo nin linog na nangyari.
An pagbagsak narehistro bilang sarong 5.2-magnitude na seismic event na nangyari kan 8:37 a.m. lokal na oras, o 02:52 GMT.
Sinabi ni Cox na kaipuhan an panahon tanganing madeterminaran kun gurano kadakol kan glacier an narumpag. Pwede ining magin 500,000 metro kubiko sagkod sa manampulong milyon na metro kubiko nin yelo asin materyal.
