NAGA CITY – Ipigbabawal sa Caroroyan, Pili, Camarines Sur an Poultry Farm.
Sa entrevista kan Bombo Radyo Naga ki Jerry Canave Barangay Captain kan Caroroyan, Pili, Camarines Sur pigsaysay kaining daily an monitoring sa nasambitan na barangay asin maduon na ipigpapaliwanag kaining an mga langaw bako sana man gikan sa mga basura kundi ini gikan man sa mga poultry farm.
Alagad mandato man kaini na dapat maobliga an mga residentes na maglinig urualdaw tanganing malikayan an pagdakol kan mga langaw orog na sa poultry farm.
Labi an pagtubod ni Canave na ini gikan sa poultry farm, asin mayong nagiginibo an iba pang mga residentes dahil rason kan mga ini na igwa soboot sindang kapot na kompletong dokumento na nagpapatotoo na sinda pigtugutan sa DENR, Munisipalidad kan Pili, asin Probinsiya kan Camarines.
Asin an nagigin epekto o problema kan siring na ini mismong su nagtao kan permit dae soboot pig-evaluate an kamogtakan kan nasambitan na Barangay antes ini taanan nin permit.
Paliwanag pa ni Canave na an mga kadaklan kan Poultry Farm yaon sa saindang pagtaraid na Barangay asin nakakaapektar man ini sa sainda.
Kaya pangapudan kaini sa mga nag-reregulate na magin aware huli ta pwede ini magin health issues na mamatean kan kadaklan sa mga residentes.
Magin man sa mga nagtatao kan permit na eevaluate muna an kamogtakan asin dapat siertuhon na mayong maapektaran na mga residentes.
