Nagdesisyon an House Committee on Legislative Franchises na pinamamayuhan ni Parañaque City Rep. Gus Tambunting na imbestigaran an congressional franchise kan National Grid Corporation of the Philippines (NGCP).
Pigbusol ini ni Deputy Speaker asin Quezon 2nd District Rep. David “Jay-Jay” Suarez sa hampang kan mga alegasyon na igwang mga pagkukulang an NGCP asin dae nakakautob sa pigtalaan kan prangkisa.
Naglitaw ini sa pigganap na briefing sa komite katakod sa kaprepararan kan power utilities sa piglalaomang epekto kan nayon kan La Niña phenomenon.
Pigsaysay ni Suarez, an gigibuhong imbestigasyon kan Komite an matuon sa pagtupad kan NGCP sa franchise obligations kaini orog na an igwang kaugnayan sa soboot pagkakaabala kan kadakol na proyekto.
Pigbanggit ni Suarez na kaibahan man tutokan kan pagdangog an soboot dae patas na charges kan NGCP sa mga consumer para sa mga dae natapos na imprastraktura asin labi na pagprayoridad sa shareholder dividends kumparar sa serbisyo sa publiko
