Magde-deploy an Philippine Red Cross (PRC) nin 1,848 na tawohan, kaiba an mga personahe asin boluntaryo, para sa saindang “Undas Operation 2026” para sa pagselebrar kan Undas.
An mga grupo na ini magkaag nin mga first aid station, welfare desk, asin magde-deploy nin mga ambulansya asin emergency vehicle sa mga sementeryo, bus terminal, pantalan, asin paliparan sa bilog na nasyon.
Sa kabilugan, 251 na first aid station an ikakaag sa bilog na nasyon: 35 sa Metro Manila, 149 sa Luzon, 38 sa Visayas, asin 29 sa Mindanao.
Pinagpapagiromdom kan PRC sa publiko na seguraduhon na nakakandado an mga harong, madaling makua an emergency contact numbers, asin maging handa sa anuman na dai linalaoman na insidente.
Iniinkaminar man an mga motorista na mag-ingat sa pag drive, sumunod sa ley trapiko, asin planuhon an saindang biyahe.
Kasabay kaini, ipinaglaag kan Department of Health (DOH) an Metro Manila sa “Code White Alert” tanganing seguraduhon na an mga ospital asin emergency response team nakahanda sa posibleng paglangkaw kan kabali an mga pasyenteng nangangaipo nin tulos na atensyong medikal.
