Naglangkaw nin 16% an prize money kan Australian Open kumparar kan nakalihis na taon kun saen ini an pinakadakulang paglangkaw para sa torneo sa 2026.
Sigun sa mga organizer kan enot na Grand Slam kan tennis season, maabot sa 111.5 million Australian dollars (poco mas o menos US$75 million) an kabilogang prize money kan torneo na mapuon sa Enero 18, 2026.
Mas halangkaw ini kumparar sa 96.5 million Australian dollars na ipigheras kan taong-2025.
Napag-araman na an mga manggagana sa men’s and women’s singles an makakaresebir nin tig-4.5 million Australian dollars (US$2.8 million), na katampas kan 19% na paglangkaw puon kan nakalihis na taon.
Mientrastanto, malangkaw man nin 16% an premyo para sa mga parakawat sa qualifying tournament, mantang gabos kan mapartisipar sa main draw kan singles asin doubles an garantisadong dae mababa sa 10%.
