NAGA CITY- Dae suboot kaipuhan an presensya kan gobernador kan sarong probinsya sa pagtatao kan Emergency Shelter Assistance (ESA) sa mga residenteng naapektaran kan manlamasa an bagyong Nina kan taogn 2016 sa Camarines Sur.
Ini an tinawan duon ni Regional Director Arnel Garcia kan DSWD Region V, sa eksklusibong entrevista kan Bombo Radyo Naga.
Segun ki Garcia, pwede man idistribuir kan gobyerno provincial an nasambitan nang asistensya dawa mayo an presensya kan gobernador sa lugar.
Huli ta an obheto sana suboot kan ahensya, iyo an maitao sa mga residente an asistensyang maninigo para sainda.
Nagluwas an ‘epal’ issue kontra sa mag-amang Cam Sur Gov. Migz Villafuerte asin Cong. LRay Villafuerte makalihis an suboot pag-iba kaini sa pag-distribuir kan ESA kan DSWD sa nagkakapirang banwaan sa Cam Sur na garo suboot amay na nangangampanya.
