Dae na pigpatulan pa ni Presidente Ferdinand “Bongbong” Marcos Jr. an mga banat ni Vice President Sara Duterte kontra saiya.
Sa pagbisita kan Presidente sa puntod kan saiyang ama na si dating Presidente Ferdinand Marcos Sr sa lubongan kan mga Bayani sa Taguig, nahapot ini manungod sa pigsaysay ni VP Duterte na mawot kaining ipahukay an mga labi kan ama asin iapon sa West Philippine Sea (WPS).
Simbag ni Presidente Marcos na mas marhay na dae na magkomento pa sa isyu.
Apwera digde, habo na man pag-ulayan ni Presidente Marcos kan haputon ini kun ano an estado kan pagigin mag-amigo ninda ni Duterte.
Mientrastanto, kaibahan kan Presidente na nagbisita sa puntod kan dating Presidente si First Lady Imelda Marcos.
Mientrastanto, mawot man ni Presidente Marcos na magin matuninong an pagrumdom kan mga Filipino sa Undas.
