Opisyal nang itatalaga si Lt Gen. Jose Melencio Nartatez komo bagong hepe kan Philippine National Police.
Sigun ki DILG Secretary Jonvic Remulla, inaprubahan na ni Presidente Ferdinand Marcos Jr. an rekomendasyon kan Office of the President na ribayan ni Nartatez sa pwesto si Gen Nicolas Torre III.
Naenot nang pigkumpirmar ni Executive Secretary Lucas Bersamin na pigsibak na sa pwesto si Torre makalihis an haros tolong bulan na pagtukaw komo pamayo kan pambansang pulisya.
Marurumduman kan Agosto 6 sana kan italaga si Nartatez komo pamayo kan Area Police Command for Western Mindanao.
Nagribay sinda nin puwesto ni dating PNP spokesperson Lt. Gen. Bernard Banac na pigtalahga man na No. 2 man o deputy chief for administration.
Mientrastanto, mayo pa man pigluluwas na impormasyon an Palasyo sa rason kan pagkakahali ni Torre sa pwesto.
