Nagkainitan an pigkundisir na presscon kan boksingerong sinda Chris Eubank Jr asin Conor Benn.
Sa kinundisir na press con sa Manchester ay bigla na sanang pinasaan nin sugok sa lalawgon ni Eubank si Benn kan sinda magkaatubangan.
An nasambitan ng laban, naisagibo na kuta kan nakalihis na taong 2022 alagad nagluwas na nagpositibo an 28-anyos na si Benn sa ipinagbabawal na substance na clomifene kaya man ini ay pinatawan nin ban.
Taong 2023 kan iniluwas man kan WBC an finding asin nagluwas na huli sa labi na pagkakan ni Benn nin sugok an nagin rason.
Ikukundisir an pag-atubang ninda Benn asin 35-anyos na si Eubank Jr sa papabuton na Abril 26 sa Tottenham Hotspur Stadium.
Igwa nin 32 kapangganahan, duwang pagkadaog, 23 knockouts si Eubank Jr mantang si Benn igwa man nin 20 kapangganahan, mayong daog asin 13 knockouts. ]
Kan nakalihis man na taong 1990 kan mag atubang an saindang mga ama na sinda Chris Eubank Sr asin Nigel Benn.
Nagtrayumpo si Eubank Sr kan 1990 mantang nagin draw ang ikaduwang laban ninda kan 1993.
