Mayor na agrangay ngunyan kan mga Pinoy iyo an naglalangkaw na presyo kan mga barakalon magin man an umento sa sahod.
Basado kaya sa latest Pulse Asia’s June 2025 Ulat ng Bayan survey, nasa 62 percent kan mga Pinoy an nahahadit sa inflation mantang an iba man an naghahagad nin langkaw suweldo.
Nakabugtak pa sa survey na mawot kan kadakalan sa Pinoy na primirong simbagan ni Presidente Ferdinand Marcos Jr. an inflation asin ibali sa saiyang ika-apat na State of the Nation Address (SONA) sa Hulyo 28.
Nasa 1,200 adult Pinoy an nakisumaro sa face-to-face surveys na isinagibo kan nakalihis man na Hunyo 26 hasta Hunyo 30.
Igwa ining 95% confidence level asin man ±2.8% margin of error. Pighapot an mga respondents kan saindang top concern.
Nangenot sa survey an presyo kan mga barakalon, sumunod an umento sa sahod na may 51% of Filipino adults. Nangangahulugan ini kan 17% increase gikab man sa last quarter.
Nagkapira pa sa mga urgent national issues kan Filipino adults an poverty reduction (26%); job creation (25%); asin an paglaban sa graft and corruption sa gobyerno (24%). Pinakahuring concern kan mga Filipino an national territorial integrity (5%); kapakanan kan OFWs (4%); asin terrorism (1%).
