Naglangkaw an presyo kan manok asin sugok sa mga merkado base sa monitoring kan Department of Agriculture (DA). Ini an maski ibinaba kan poultry raiser an presyo sa farm gate kan siring na mga produktong manok.
Sa ibong kaini, pigsierto ni Agriculture spokesperson ASec. Arnel de Mesa na ini an saindang tututukan orog na ta parte kan mga barakalon na parating binabakal kan mga konsumidores an siring na mga produkto.
Sigun man sa mga paratienda nin manok asin sugok sa Paco, Market sa ciudad nin Manila, ipinaliwanag kan mga ini an rason kan halangkaw na presyo kan siring na mga produkto.
Base sa datos gikan sa DA, an farm gate price kan mga manok P80 sana kada kilo, alagad pag-abot sa mga mercado, minaabot sa P220 kada kilo.
Mientrastanto, buminagsak nin 50 centavos an sugok, alagad namantinir man giraray sa P8 hasta P9 an benta kaini sa mga mercado.
