NAGPROMESA an mga manufacturers nin mga basic necessities asin prime commodities (BNPCs) nagkomiter sa Department of Trade and Industry (DTI) na dai na magpalangkaw nin presyo sa masunod na 30 sagkod 60 aldaw.
An mga produktong dae mababago an presyo iyo an de-lata na sardinas, tinapay, instant noodles, kape, sabon, asin kandila ngani na maibanan an epekto kan naglalangkaw na presyo kan petrolyo.
Komo resulta, 21 na mga paragibo an mamantenir kan presenteng Suggested Retail Price (SRP) kan mga pundamental na produkto asin barakalon.
Segun ki DTI Secretary Cristina Roque, ini ngani na maprotehiran an mga konsumidores huli ta nagbabago-bago an presyo kan mga produktong petrolyo.
Nagpatanid man an DTI laban sa hoarding asin price gouging, asin pig-engganyar an publiko na ireport an siring sa ahensya.
