Dagusan nang isinarado kan dating beauty queen na si Priscilla Meirelles an dahon kan saiyang buhay kaibahan an dating agom na si John Estrada.
Sa sarong entrevista, pigsaysay kan Miss Earth 2004 titleholder na dagusan na ining naka-move on.
Alagad sa ibong kaini, pig-omaw man ni Priscilla an aktor sa pagigin kaining marhay na ama sa saindang aki.
Pigtawan duon man kaini na maski papano pinadangat ini ni Estrada alagad bakong klase kan pagpapadangat na saiyang deserve asin minamawot.
Marurumduman, 27-anyos si Priscilla kan ikasal ki Estrada kan taong 2011, kan sumunod na taon saindang pig-welcomed an aking babae na si Anechka.
Kan nakalihis na taong 2024, nagin sentro kan kontrobersiya an relasyon kan duwa kun saen sa sarong social media post, pigkumpirmar ni Estrada na dae marhay an estado kan saindang pag-iibahan ni Priscilla.
