Padagos an pag-aandam kan Police Regional Office 5 o PRO5 sa seguridad kan Peñafrancia Festival, asin posible pang dagdagan an mga personahes na idedeploy depende sa security assessment asin sitwasyon.
Sa intrevista kan Bombo Radyo Naga ki Police Regional Office (PRO 5) Regional Director PBGEN Randy Glenn Silvio, sinaysay kaini na tututukan kan kapulisan an mga ruta kan prusisyon, simbahan, mayor na tinampo, terminal, commercial areas, asin iba pang lugar na piglalaoman na matawo.
Partikular na pahihigoton an seguridad sa Traslacion asin Fluvial Procession, kun sain dakula an piglalaoman na bilang kan mga deboto asin bisita.
Makikoordinar man an PRO5 sa mga LGU, Philippine Coast Guard, Bureau of Fire Protection, asin iba pang ahensya para sa traffic, crowd management, asin emergency response.
Ineenkaminar man an publiko na magin alerto, atamanon an personal na gamit, bantayan an mga kaakian, asin tulos na isumbong sa awtoridad an anuman na kahina-hinalang insidente.
