Tinawan-duon ni Pangulong Ferdinand Marcos Jr. na kritikal na an problema sa basura na primerong kawsa kan matinding pagbaha sa Metro Manila, kaya ene enkaminar kaini an publiko na magin responsable sa pag aapon nin basura.
Segun pa igdi, kun dae babag ohon an ugali sa pagaapon nin basura, padagos na mabara an mga agihan nin tubig asin madara ini nin pagbaha.
Sa inspeksiyon kan clearing asin waste collection operations sa Diokno Pumping Station sa Pasay City, sinabi kan Pangulo na an pagtatarabangan kan national government, mga lokal na pamahalaan, asin publiko an solusyon igdi. Nagtatarabangan na suboot an DPWH asin MMDA tanganing halion an mga basurang nagbabara sa mga agihan kan tubig.
Kasabay kaini, pinamamadali din an paghakot nin basura sa Baclaran River tanganing matiyak an padagos na daloy kan tubig asin maiwasan an pagbaha. Segun sa ulat, nasa 16 dump trucks o katumbas kan 285 cubic meters nin basura an nahakot kan DPWH poom pa kan Miyerkules. Nagpadara din nin karagdagang equipment asin tauhan an DPWH asin MMDA, katuwang an lokal na pamahalaan kan Parañaque, para mapadali an clearing operations.
Giit ni Marcos, maituturing nang may garbage crisis sa nasyon huli sa dakul na basurang nagbabara sa mga ilog asin estero.
Sa balyo kaini, nagtutubod an Pangulo na dae makakatabang an pagpapataw nin dagdag na multa sa mga tawong dae nagaapon nin tultol kan basura.
Suboot, dae naman aram kan mga tawo na may multa sa salang pagaapon nin kalat o basura.
Giit pa ni Marcos na mayung maski isay an gugustuhon na mapatawan nin multa kaya an kaipuhan ay tawan nin pasilidad an publiko kun saen pwede iapon an basura.
Inihalimbawa kan Presidente an nasyong Japan na dae nagaapon nin basura kun saen-saen an tawo.
Kun tutuuson sabi kan Pangulo ay arog lang kasimple an problema asin an kaipuhan lang ay may mahiling na lugar an mga tawo na pwede iapon an mga basura.
