Nagrereklamo an mga residente kan Barangay Calagbangan, Sipocot Camarines Sur sa padagos na paglala kan problema sa langaw na kawsa kan nagdadakol na poultry farms sa saindang lugar.
Sa intrevista kan Bombo Radyo Naga ki Vince Casilihan, Concern Citizen asin Human Rights Advocate sa banwaan kan Sipocot, sinabi kaini na umaabot na sa 25 poultry buildings an naitindog sa sulod sanang barangay. Aniya, taon-taon nang nararanasan an matinding infestation kan langaw, na nagpoon pa kan 2007 asin nagbalik-balik sa mga nagsunod na taong 2014, 2016, 2022, 2025, asin sa presenteng taong 2026.
Ikinahahandal kan mga residente an epekto kaini sa salud asin pang-aroaldaw na pamumuhay. Dai na soboot makakan nin maayos an mga pamilya huli sa kadakol kan langaw na tulos na nagdadapo sa pagkakan. Maski an pagturog asin pagpahingalo apektado, habang an ibang mga aki nagkakahelang na man nin diarrhea.
Apwera sa Calagbangan, uminabot na an problema sa karatig-barangay na North asin South Villazar, Bigaan, asin Bolo, pati na sa banwaan kan Lupi.
Ipigsisi kan mga residente an problema sa soboot kakulangan kan tamang waste management kan pipirang poultry farms. Susog pa ki Casilihan, may mga pasilidad na dai marhay an sewage treatment asin may mga kaso pa na nagaapon nin ati asin gadan na manok sa mga salog—labag sa mga regulasyon kan Department of Environment and Natural Resources asin Environmental Management Bureau.
Dugang pa digdi, may mga poultry umano na pinapahiling na makapag-operate maski dai pa kompleto an permits o pasilidad.
Nangangapudan an mga residente sa lokal na gobyerno kan Sipocot asin sa ibang ahensya sugad kan Provincial Environment Management Office na higotan an pag-apruba kan permits asin siguraduhon an istriktong implementasyon kan environmental laws.
- Temporaryong pagsuspinde kan operasyon kan mga poultry farm na nagbabalga kan regulasyon
- Pag-imbestigar sa posibleng kapabayaan kan kagsadiri asin ahensya
- Pagpapanimbag sa mga responsable sa polusyon asin pag-ataman nin langaw
- Rehabilitasyon kan mga apektadong salog asin kapalibutan
- Tuyong pagsara sa mga pasilidad na dae nagsusunod sa regulasyon
Naenot na na sinuspende an pipirang poultry farms kan 2025, alagad nagbalik man an problema makalihis tugutan na mag-operate an mga ini.
Sa kabilogan kan mga pag-urulay asin reklamo sa mga ahensya kan gobyerno, padagos na dai pa nasusolusyonan an isyu. May mga surat na umano na ipinaabot sa pambansang opisina kan DENR hasta sa Office of the President para sa agarang aksyon.
Sa ngunyan, pig-aasahan an panibagong pagp-urulay sa ttahaw kan mga apektadong komunidad asin lokal na gobyerno para solusyunan an padagos na paglala kan sitwasyon.
