NAGA CITY- Nasolusyunan na an problema sa baha sa Barangay Calauag Naga City ngunyan na taon.
Sa entrevista kan Bombo Radyo Naga ki Corazon Peñaflor, Barangay Kapitan kan Calauag Naga City, sinaysay kaini na sa presente mas marhay na an mga drainages sa saindang barangay kun sain 96 porsyento na an napapakarhay.
Kumparar kaya kan mga nakalihis na panahon na nagin perwisyo an mga drainages sa saindang lugar.
Dugang pa ni Peñaflor na maogma sinda sa nagin resulta kan proyekto nin huli ta nakatabang ini na malikayan na an pagbabaha na kadto an nag-aabot sa habayan.
Pinagtawan duon pa kan opisyal na namamatean na kan zona 4, 2 asin 7 an kaginhawahan.
Sa ngunyan padagos an mga declogging asin paglinig sa lugar orog na ngunyan na tag-uran.
