NAGA CITY- Dawa tolong dekada na ngunian puon kan mangyari an EDSA People Power Revolution, alagad nagtitinir pa man giraray na malinaw sa memorya ni Guinobatan Vice Mayor July Tingzon an mga eksperyensya niya kan mga panahong ito.
Sigon ki Tingzon, estudyante pa sana siya kaito, alagad masasabi niya na nagdakula siya sa Mendiola huli sa pagbale niya sa mga hiro protesta kan manlaen laen na grupo para pabagsakon an diktaduryang administrasyon.
Saro soboot siya sa rinibong namamanwaan na nakipagsuksukan asin nagtios kan init asin gutom sa tahaw kan tinampo puon Pebrero 22 hasta 25 para maibwelta giraray an demokrasya sa namamanwaan.
Dugang pa kaini, masasabi niya na nagtrayumpo, sinda kan mga panahong ito alagad makalihis soboot an EDSA revolution, dae na niya nahiling giraray na nagkasararo an mga Pinoy.
Sa ngunian, aminado an bise alkalde na labi an saiyang panghihinayang asin pagkadismaya huli ta hasta sa presente watak-watak pa man giraray an namamanwaan mantang pigsasabayan pa kan mga sintikan kan nagkapirang mga opisyal kan gobyerno.
