NAGA CITY – Dae pinalagpas kan progresibong grupo an kontrobersyal na pahayag kan aktor na si Philip Salvador kontra sa mga kritiko ni Presidente Rodrigo Duterte.
Sa entrevista kan Bombo Radyo Naga ki Vince Casilihan kan Bayan Bicol, ibinalik kaini ki Salvador an nagin pahayag sa mga kritiko.
Sigon ki Casilihan, laos na soboot an aktor kung kaya nagasipsip na sana ki Presidente Duterte.
Bako soboot magayon na hahagadon kan aktor an kagadanan kan siisay man na nagkukusog boot na magpahayag kan saindang nasa boot asin an direktang nagkokontra sa presidente.
Enot digdi, makalihis mag-atendir sa ika-apat na State of the Nation Address ni Duterte, nahapot sa sarong interview si Salvador katakod kan mga pahayag kan presidente kunsaen sinabi kaini na pigigibo man kan Presidente an gabos para sa ikararahay kan nasyon asin kan kada Pinoy.
Sinabi man kaini na magadan na soboot an mga nagbabatikos sa Hepe Ehekutibo.
