NAGA CITY – Kontra an mga progresibong grupo sa Bicol sa propwestong Philipine Legislative Police o an pagkakaigwa nin sadiring security guard para sa mga lehislador ni House Majority leader Rodolfo Fariñas.
Sa entrevista kan Bombo Radyo Naga ki Vince Casilihan, tagapagtaram kan BAYAN- Bicol, sinaysay kaini na dae sinda sinda uyon sa nasambitan ng propwesto huli ta siertong sa bulsa man sana kan namamanwaan kukuanon an pondo na gagamiton para sa mga hahagadon na security guard.
Dugang pa ni Casilihan, pwede naman soboot magrequest an mga lehislador nin dagadag na security guard alagad dapat ining kuanon sa Philippine National Police asin iba pang ahensya na pwedeng makapagtao nin seguridad sa sainda.
Tinawan duon man ni Casilihan na mayong ley na nagsasabing pwedeng magkaigwa nin libreng security guard an sarong lehislador alagad may pribelihiyo ining maghagad nin hasta sa duwang guards sana.
Abuso naman soboot kung hahagadon pa ni Fariñas na pati an saindang pamilya an matawan nin parehong pribelihiyo.
