NAGA CITY- Pigpaliwanag kan Camaligan MPS an dapit sa saindang programang Project Batuta.
Sa entrevista kan Bombo Radyo Naga ki PCPT. Ric Reginales, Office-In-Charge kan Camaligan MPS, sinaysay kaini na an Project Batuta saro sa mga interbensyon na ginibo kan saindang lado tanganing mamantinir an paz y orden.
Sigun ki Reginales katabang ninda digde an BFP, Philipine Coast Guard magin an lokal na gobierno kan Camaligan.
Paliwanag kan opisyal, sa nasambitan ng programa pigtutukduan an mga elected asin appointed Barangay Officials na magin first responders enkaso magbungkaras an mga dae piglalaomang pangyayari.
Saro sa mga pigtutukdo an mga dapat gibuhon enkaso igwang kasulo, pagbaha, bagyo asin iba pang kalamidad.
Katakod kaini, tapos na soboot sinda sa tolong barangay alagad an programa an nagpapadagos tanganing maatwan nin magkakanigong kaaraman an mga opisyales kan barangay sa pagsalbar nin buhay.
Mientrastanto, pigheras man ni Reginales an saindang nagpapadagos pa na programa ngunyan na bulan kan Nobyembre hasta sa bulan kan Disyembre.
Sa ngunyan, hagad na sana kan opisyal an kooperasyon kan publiko para sa mas salbadong komunidad.
