Nagsunad si Batangas Rep. Leandro Leviste nin House Bill 4302 na obhetong ibaba an value-added tax (VAT) gikan sa 12% pasiring sa 10% komo kasimbagan sa padagos na paglangkaw kan presyo nin barakalon.
Pigtawan duon ni Leviste na naglangkaw na nin husto an VAT collections kan gobyerno gikan sa ₱156.67 bilyon kan nakalihis na taong 2005 hasta man sa ₱1.2 trilyon kan naklaihis na 2024—mas halangkaw kumparar sa ₱200 bilyong mawawara kun ibababa an buwis.
An nasambitan ng bill an pagtaong break sa mga ordinaryong Pinoy. An VAT an komoo regressive, na pigtatamaan an mga pobre asin middle class.
Dugang pa kan opisyal, an 12% VAT kan Pilipinas an pinakahalngkaw sa Southeast Asia, kumparar sa Vietnam asin man Cambodia (10%), Indonesia (11%), Singapore (9%), asin Thailand (7%).
Sakop man kan propwesto na pwedeng ibalik paramientras kan Presidente an 12% VAT kun malampas sa target an budget deficit. Sinaysay man kan lado kan Department of Finance na bukas ining pag-adalan an nasambitan ng propwesto.
Kasabay kaini, inanunsyar kan DOF an sarong tax amnesty program para sa mga dae nabayadang buwis gikan 2007 hasta 2024, kabali na man an income, excise, donor’s, asin VAT sa importasyon, na matao nin immunity kontra sa penalties asin audit
