Liwat na ibubusol ni Speaker Ferdinand Martin Romualdez an sarong importanteng propwestong ley na obhetong ipagkaloob an bulanang hazard pay sa mga prosecutors.
Ini an House Bill (HB) No. 2664 na nagsusuhestyon nin P5,000 bulanang hazard pay an mga tagausig na nagkakapot nin peligruso na mga kaso siring kan mga pagdangog sa inquest, pangenot na imbestigasyon, asin mga pag-uusig na may kinaraman sa terorismo, ilegal na droga, pandarambong asin korapsyon, laundering kan kwarta asin iba pang mga delikadong kriminal na paglabag.
Inihayag ni Speaker Romualdez an importansya na matawan nin hazard pay an mga tagausig nin huli ta sinda an nahahampang sa manlaen-laeng huma.
Mga Co-authors sa nasambitan ng propwesto iyo sinda Tingog Party-list Reps. Yedda Marie K. Romualdez, Andrew Julian K. Romualdez asin Jude Acidre.
Ipinunto kan mga lehislador na an mga prosecutors an target kan mga mararaot na tawo.
Sa nasambitan ng propwesto, sakop kaini iyo an mga prosecutors gikan sa Department of Justice’s (DOJ) National Prosecution Service na nagkakapot nin mga high-risk cases, kabali digde an mga imbwelto sa national security, transnational crimes asin environmental offenses.
Sakop man an mga prosecutors na naka assign sa conflict areas, calamity areas, asin isolated assignments.
Malinaw man sa nasambitan ng propwesto na tax-exempt an ibubusol na hazard pay.
Kukuanon an pondo sa DOJ asin tatawan na ini nin taunang budget na nakapalaog sa General Appropriations Act (GAA).
An bill nagsisierto sa State’s duty na mamantinir an paz y orden, protehiran na buhay, kalayaan asin pagsadiri, asin ipromotir an ikakamaray kan kagabsan, pahayag pa ni Speaker Romualdez.
Kumpiyansa si Romualdez na an nasambitan ng propwesto an susuportaran kan mga miyembro kan 20th Congress.
