Ipinahayag ni Senador Erwin Tulfo na mayong probisyon kan Konstitusyon o Rules of Court an nilabag kan House prosecution panel sa pagbawi nin tulong impeachment articles sa apat na isinangat laban ki Bise Presidente Sara Duterte.
Ini an simbag ni Tulfo sa kritisismo kan tagapagtaram ni Duterte na si Atty. Paolo Panelo manungod sa pagtuninong kan mayorya kan Senado sa lakdang kan prosekusyon, na segun saiya, nagresulta sa pag-aksaya nin dai mababa sa P1 bilyong pondo kan publiko.
Segun ki Tulfo, parte kan estratehiya kan prosekusyon an pagbawi sa mga artikulo, asin pwede man na gumamit nin sadiring estratehiya an depensa sa oras kan presentasyon kan mga ebidensya kaini. Dawa pa ikinagulat niya an lakdang, sinabi niya na mayong rason an mga senador na piriton an prosekusyon na ipadayon an mga binawing kaso kun mayong pagbalgar sa mga patakaran.
Pinahimutikan man ni Tulfo na may nagagamit kan panukalang 2027 national budget tanganing gipiton an mga senador sa saindang magigin boto sa impeachment trial. Mayong man siyang aram na urulay manungod sa posibleng pagsalida ki Duterte ni House Speaker Faustino “Bojie” Dy III kun sakaling mahatulan an bise presidente.
Sa pagbawi kan Articles I, III asin IV, Article II na sana an natatada sa impeachment trial. Sakop kaini an mga alegasyon nin unexplained wealth, bakong kumpletong pagbuyagyag kan mga rogaring asin pagkaparong na dai mag-divest nin business interests, na pinahimutikan ni Duterte.
