Nagpahayag nin bilog na suporta an Private Sector Advisory Council sa pinirmahang ley ni Presidente Ferdinand Marcos Jr. na magtatao nin kaukulang value added tax refund sa mga foreign tourist.
Paliwanag kan konseho, makakatabang an lakdang na ini tanganing magkaigwa nin interes an mga turista na magbakal nin mga produkto sa Pilipinas.
Dakula man an ambag kaini tanganing makabali an nasyon sa pinaka nangengenot na destinasyon sa bilog na kinaban.
Sigun man ki PSAC lead convenor, Sabin Aboitiz, an ley na ini an bunga sana sa nagin kolaborasyon kan pribadong sektor asin gobyerno.
Nagpasalamat man ini sa kongreso huli sa marekas na pagkakapasar sa nasambitan ng ley.
