NAGA CITY- Pigpreparar na kan pamayuhan kan Public Safety Office-Naga an saindang cost estimate para sa procurement kan bagong traffic light sa siyudad.
Sa nagin paghampang sa mga kagawad kan media ni Renne Gumba, pamayo kan PSO-Naga, sinaysay kaini na an nasambitan ng pagbakal kan bagong mga traffic lights an kasabay man kan pag-install nin mga CCTV Camera na importante sa paglatag o pag-activate kan Caesar.
Sigun pa ki Gumba, igwa ng kasuguan gikan sa Sanggunian siringman gikan sa opisina kan Mayor’s Office na ipreparar na an mga kinakaipuhan sa pagbakal kan bagong traffic lights system na konektado man sa CCTV surveillance system.
Katakod kaini, an mga bagong babakalon na traffic lights an LED na igwang advance features tanganing mas magin moderno asin marhay an maitataong serbisyo sa mga tawo.
Mientrastanto, on going man soboot an pag-install kan mga public address system na kun saen ini man an centralized sa surveillance system kan siyudad.
Sa ngunyan, pigsierto na sana kan opisyal na dagos-dagos an paglalapigot kan LGU-Naga tanganing mas matawan nin marhay na serbisyo an mga namamanwaan sa siyudad.
