Pigparangalan kan Philippine National Police (PNP) Bicol an “Medalya ng Sugatang Magiting” ki PSSgt. Noli M. Miraña komo pagmidbid sa saiyang katapangan asin dedikasyon sa pag-utob kan saiyang katungdan sa ibong kan mga peligrong saiyang inatubang.
Pinangenotan ni PBGen. ni Ronaldo I. Fulo, Deputy Regional Director for Administration an pagtao asin pag-attach kan medalya ki PSSgt. Miraña, kaiba si OIC Provincial Director kan Camarines Sur, Police Provincial Office (CSPPO) PCol. Tyrone Razon Dotimas asin San Jose Municipal Police Station Chief PCapt. Glenn Loquias.
Si PSSgt. Miraña an pulis na nalugadan asin naputulan nin walang kamot mantang nagresponde sa nag-amok na si Willy Peqeuras sa Zone 1, Barangay Calalahan, San Jose, Camarines Sur.
An siring na pagmidbid sarong patotoo kan saiyang kusog nin boot asin pagigin andam na isakripisyo an saiyang sadiri para sa kasalbaduahn kan publiko asin sa pag-otob kan saiyang sinumpaan na katungdan komo sarong law enforcement officer.
