Nagpromisa si Presidente Ferdinand R. Marcos Jr. nin matatag na aksyon kontra sa maaksayang paggastos kan public funds.
Sinaysay kan Presidente na Official Development Assistance (ODA) an direktang mapapasiring sa mga importanteng sektor na direktang mapapakinabangan kan pamilyang filipino.
Sa nagin patara-tara kan nasambitan ng Presidente sa Philippine Development Forum (PDF) 2025 na pigkundusir sa EDSA Shangri-La sa Mandaluyong City, sinaysay kan Presidente na dapat giyahan nin ‘accountability asin efficiency’ an paggamit kan national budget asin external aid.
Dae na dapat pang i-tolerate an measurement na mayong nagkakanigong aksyon, kundi saindang makukunsinte an pagkasayang kan nasambitan ng public funds.
Mayong kwartang sasayangon. Dae dapat na magtugot na lustayon an kaban kan taumbayan, sigun pa sa Presidente.
An national budget nagsisirbi komo moral asin man economic compass. Ini dapat an pirmeng nakasentro sa pagpaparahay kan buhay kan lambang mga Pinoy. Kada proyekto, Kada polisiya, kada programa, kada piso dapat na naghihiro para sa ikakamaray kan mga pamilyang Pilipino.
Binanggit pa kan Presidente na an ODA an estratehikong itsa-channel sa edukasyon, healthcare, infrastructure, social protection, agriculture, asin disaster risk resilience, an mga sektor na saiyang iniladawan komo importante sa pagpapahusay kan buhay kan mga ordinayong mamamayan.
Mantang haloy nang nakasuporta an ODA sa pag-uswag kan nasyon, sinaysay ni Presidente Marcos na an critical bottlenecks asin sistematikong kaulangan an nag uulang man sa pinakamarahay na paggamit kaini.
Komo parte kan saiyang reform agenda, inanunsyar kan Presidente an rebisyon kan Investment Coordination Committee (ICC) guidelines—an primerong komrehensibong update sa dekada—para sa “streamline asin accelerate project implementation.”
Nag iintrudusir man nin mga lakdang sa pag simplify kan issuance kan Special Authority para sa marikas na mobilasyon kan asistensyang naka konektar sa national priorities.
Sigun sa Presidente, makakalaom an gabos na mapadagos an saiyang lado sa pagdangog sa gabos na mga agrangay asin rekomendasyon para sa development partners.
Mas determinado na soboot ining magpadagos pa. An PDF 2025, pinangangasiwaan kan DEPDev, nagsisirbi komo plataporma para sa dayalogo sa pag-ultanan kan gobyerno asin man development partners kaini sa pagbalangkas sa mga strategic priorities para sa national growth asin social progress asin pagbubusol nin pagtatarabangan sa ‘policy asin financing priorities.’
