NAGA CITY- Padagos na pigpapalikay an mga biyahero asin hararaning residente sa Maharlika Highway , Barangay Bikal, Libmanan, Camarines Sur huli sa nairehistrong active tension crack.
Sa entrevista kan Bombo Radyo Naga ki Leo Tendero, Mdrrmo Operation Officer kan Libmanan MPS, sinaysay kaini na sa saindang pigkundusir na inspeksyon sa area, maikokonsederar na labing peligroso an nasambitan ng bitak nin huli ta posible soboot ining pagpuonan kan pagrasay nin daga.
Dugang pa kan opisyal, mas orog pang nag-extend an nasambitan ng crack pasiring sa mga sementadong harong na harani sa lugar.
Sigun pa sa opisyal, continue ang movement kan bitak na padagos na pigkakahaditan nin huli ta very hazardous ini para sa publiko.
Sa pigsagibo pang inspeksyon napag-araman na igwang burabod sa irarom kun saen an tubig nag-aagi sa tinampo na nagogin rason pa tanganing maglumoy an daga.
Igwa naman soboot apektadong harong huli sa nasambitan ng pagkaraot kan tinampo. Marurumduman, an nasambitan ng insidente an huli sa padagos na pag-uuran na naeeksperyensiyahan sa lugar.
Sa ngunyan, padagos man na pigpapalikay an gabos orog na an mga biyahero tanganing malikayan an anuman na insidente.
