Nabisto na kan DILG an sarong pulitiko sa Mindanao na imbwelto sa tangkang pagpuslit nin P3.5-bilyon na shabu hale sa Laos pasiring sa Pilipinas.
Si Bangsamoro Parliament member Edriezan Hadji Nasser Rimbang an pinangaranan ni Interior Secretary Jonvic Remulla na nasa likod kan operasyon.
Segun sa diagram ni Remulla, si Rimbang an nagbayad ki Police Master Sergeant Aileen Jane Manalo Mendoza para sa landing rights sa sarong pribadong hangar.
Nakontak man ni Captain Rioklyn Toledo o alyas “Boyet” an eroplano hale sa Malaysia pasiring Laos na may kargang 521 kilograms kan methamphetamine hydrochloride.
Malinaw na an nasabing eroplano dai pa nakakalapag sa Pilipinas, segun ki Secretary Remulla.
Kinumpirma man ni PNP chief Police General Jose Melencio Nartatez Jr. na si Mendoza tinanggal na sa pwesto asin nasa restrictive custody kan Aviation Security Group.
An Sultan na binanggit sa imbestigasyon sinasabing yaon pa man giraray sa Pilipinas.
