Nagpahayag nin kahandaan si Russian President Vladimir Putin na makipag-ulay ki US President Donald Trump.
Pig-omaw pa kaini an US President kun saen sinabi kaining matalino asin man marikas ining makahanap nin mga solusyon asin pirmeng nakatuon sa interest kan saiyang nasyon.
Dugang pa ni Putin na dae kuta nangyari an giyera ninda kan Ukraine kun nagtrayumpo kuta si Trump kan nakalihis na taong 2020 US election.
Bako sana an Ukraine an pwedeng madiskutir kun nagkaulay sinda siring man kan urulay sa nuclear asin ekonomiya.
Enot ng sinabi ni Trump ki Ukraine President Volodymyr Zelensky na dapat na makipagkasundo na ini ki Putin tangani na maibitaran na an anumang kariribokan.
