Nagkaulay sinda Russian President Vladimir Putin asin French President Emmanuel Macron sa telepono.
Pinag-ulayan kan duwa an kariribokan sa pag ultaan kan Iran asin Israel siring man an labanan kan Russia sa Ukraine.
Ini an enot na pagkakataon na nagkaulay an duwa magpuon kan Setyembre 2022.
Sa labi sa duwang oras na pag-uulay, nangapudan si Macron nin ceasefire asin importante na puonan na an negosasyon.
Advertisement
Pighurot man ni Putin na importante na irespeto an karapatan kan Iran na maggibo nin mapayapang nuclear energy.
Pigtawan linaw man ni Macron na dapat makipag koordinar an Iran sa International Atomic Energy Agency.
Advertisement
